Ուկրաինայի բանակը դոնբասում «Բայրաքթար» է կիրառել

Ուկրաինական բանակը նախօրեին Դոնբասում, առաջին անգամ, կիրառել է թուրքական «Բայրաքթար» հարվածային անօդաչու թռչող սարքը. լուրը հաստատել է Ուկրաինայի զինված ուժերի գլխավոր շտաբը՝ նշելով, որ անօդաչուն չի հատել շփման գիծը եւ կառավարվող ռումբով ոչնչացրել է:

Ինչպես նշված է հաղորդագրության տեքստում, ռուսական օկուպացիոն ուժերի մեկ թնդանոթ:

Նշվում է, թե «Բայրաքթարի» կիրառմամբ հաջողվել է դադարեցնել նույն օրը՝ ավելի վաղ, ուկրաինական դիրքերի ռմբակոծումը, ինչի հետեւանքով մեկ ուկրաինացի զինվոր զոհվել էր, մեկը՝ վիրավորվել:

Ռուսաստանի արտգործնախարար Սերգեյ Լավրովը, անդրադառնալով Դոնբասում «Բայրաքթարի» կիրառման լուրին, ասել է, որ Մոսկվան ստուգում է այն:

Ուկրաինայի արտգործնախարարն ավելի վաղ հայտարարել էր, որ Կիեւն Անկարայից հարվածային անօդաչու թռչող սարքեր է գնել՝ Ռուսաստանին «զսպելու» եւ իր տարածքը պաշտպանելու համար:

Կրեմլի խոսնակ Դմիտրի Պեսկովն, ի պատասխան ասել է, որ թուրքական անօդաչուների մատակարարումն Ուկրաինային կարող են ապակայունացնել իրավիճակը շփման գծում:

Հիշեցնենք, որ թուրքական այդ նույն «բայրաքթարները» Ադրբեջանը կիրառում էր Արցախի դեմ 44-օրյա պատերազմում: