Սա էլ կոչվում է «խաղաղ ժամանակ»․ Մետաքսե Հակոբյանը՝ Արցախում քաղաքացիական անձի զոհվելու մասին

«Սա խայտառակություն է, մեր կողմից էլ որևէ գործողություն մինչ այս պահը չկա, երբ պետք էր արագ արձագանքել կատարվածին»,- News.am-ին ասել է Արցախի ԱԺ «Արդարություն» խմբակցության պատագամավոր Մետաքսե Հակոբյանը` անդրադառնալով այսօր Արցախում ադրբեջանական զինված ուժերի դիպուկահարի կրակոցից քաղաքացիական անձի զոհվելու փաստին։

«Կրակոցն ուղիղ սրտին է եղել, այսինքն` ուղիղ ուզել են սպանել մարդուն։ Մինչ այս ցանկանում էին վախեցնել մարդկանց, իսկ հիմա կոնկրետ ուզել են սպանել մարդուն, ով տրակտորով իր այգում աշխատում էր: Սրանով ուզում են խորացնել վախի մթնոլորտն Արցախում: Սա էլ կոչվում է «խաղաղ ժամանակ», սա էլ կոչվում է, որ իրավիճակը վերահսկվում է»,- ասել է նա:

Պատգամավորի խոսքով` իշխանությունները ոչինչ չեն անում, որ բնակիչների անվտանգությունը ապահովեն, մարդիկ չցանկանան լքել Արցախը: