Լավրովն Իրանի արտգործնախարարի հետ քննարկել է «3+3» ձևաչափի ստեղծումը՝ Հայաստանի, Ադրբեջանի, Թուրքիայի, Վրաստանի, Իրանի և ՌԴ-ի մասնակցությամբ

ՌԴ ԱԳ նախարար Սերգեյ Լավրովը հայտնել է, որ Իրանի ԱԳ նախարար Հոսեյն Ամիր Աբդոլլահիանի հետ քննարկել է Թուրքիայի, Ադրբեջանի, Հայաստանի և Վրաստանի հետ «3+3» ձևաչափ ստեղծելու գաղափարը:

Նախաձեռնությունը նախատեսում է Հայաստանի, Ադրբեջանի, Վրաստանի, Ռուսաստանի, Իրանի և Թուրքիայի մասնակցությամբ տարածաշրջանային փոխգործակցության մեխանիզմի ստեղծում:

«Այսօր մենք քննարկեցինք «3+3» ձևաչափ ստեղծելու նախաձեռնությունը: Իրանցի ընկերները դրական վերաբերմունք ունեն։ Մենք նույն վերաբերմունքն ենք նկատում Ադրբեջանում և Թուրքիայում, աշխատում ենք հայ գործընկերների հետ»,- ասել է Լավրովը ճեպազրույցի ժամանակ:

Նրա խոսքով՝ ռուսական կողմը հույս ունի, որ Վրաստանը, չնայած իր առջև ծառացած բոլոր խնդիրներին, կկարողանա տեսնել իր հիմնարար շահը նման մեխանիզմ ստեղծելու հարցում: