Ղարաբաղյան պատերազմի ընթացքում մենք ամբողջ ուժով աջակցել ենք Ադրբեջանին. Քուրթուլմուշ

Ղարաբաղյան պատերազմի ընթացքում մենք մեր ամբողջ ուժով աջակցել ենք Ադրբեջանին։ Այս մասին ասել է  Թուրքիայում իշխող «Արդարություն և զարգացում» կուսակցության՝ Ադրբեջան այցելած փոխնախագահ Նուման Քուրթուլմուշը. հայտնում է ԱՊԱ ադրբեջանական գործակալությունը:

«Համաճարակի ընթացքում զարգացան նաև հարաբերությունները ԱԶԿ-ի և «Ենի Ազերբայջան» (իշխող՝ YAP) կուսակցության միջև... Այս անգամ մենք կքննարկենք մեր ժողովուրդների կապերը տարբեր ոլորտներում, այդ թվում` մշակութային: Հուսով եմ, որ այցը օգտակար կլինի երկու պետությունների և երկու կողմերի հարաբերությունների տեսանկյունից: Վստահ եմ, որ Թուրքիայի և Ադրբեջանի համատեղ ջանքերի շնորհիվ այս տարածաշրջանում կայունություն և զարգացում կապահովվի»,– ասել է թուրք պաշտոնյան։

Նշենք նաև, որ թշնամական պետությունների պատվիրակությունները նախատեսում են այցելել հայկական Շուշի ու Վարանդա։