ԱՄՆ դեսպանատունը նախազգուշացրել է Հայաստանում գտնվող իր համաքաղաքացիներին ՀՀ–ում սպասվող հետընտրական զարգացումների մասին

Հայաստանում ԱՄՆ դեսպանատունը դիմել է իր երկրի քաղաքացիներին զգոնության կոչով` կապված հանրապետությունում սպասվող հետընտրական գործողությունների հետ: Այս մասին ասվում է ամերիկյան դիվանագիտական առաքելության հայտարարության մեջ:

Նշվում է, որ առաջիկա երկու շաբաթների ընթացքում Երևանում և մարզերում հնարավոր են ցույցեր կամ հանրահավաքներ՝ կապված ընտրությունների և դրանց արդյունքների հետ:

«ԱՄՆ քաղաքացիները պետք է զգոն լինեն և խուսափեն մարդաշատ վայրերից»,- ասվում է հաղորդագրության մեջ:

Հայաստանում արտահերթ խորհրդարանական ընտրությունները նշանակված են հունիսի 20-ին: Ընտրական մրցավազքին մասնակցում է 25 քաղաքական ուժ ՝ 21 կուսակցություն և 4 դաշինք: