ԵԱՀԿ-ն կողմ է արտահայտվել Երևանի և Բաքվի միջև բանակցություններին

ԵԱՀԿ նախագահ, Շվեդիայի արտաքին գործերի նախարար Էն Լինդեն նշել է, որ կարևոր է վերսկսել Հայաստանի և Ադրբեջանի միջև ԼՂ հակամարտության կայուն քաղաքական լուծման շուրջ երկխոսությունը:

«Հայաստանի և Ադրբեջանի սահմանին առկա լարվածության ներկայիս աճը ցույց է տալիս, որ չլուծված խնդիրները շարունակում են մնալ լուրջ մարտահրավեր միջազգային խաղաղության և անվտանգության համար: Անհրաժեշտ է կողմերի միջև ապաէսկալացիա և երկխոսություն՝ միջազգային իրավունքի համաձայն կայուն քաղաքական լուծման շուրջ բանակցությունները վերսկսելու, հումանիտար կարիքները և մարդու իրավունքների խնդիրները լուծելու համար»,- ուրբաթ ասել է Լինդեն:

Նա համոզված է, որ ԵԱՀԿ Մինսկի խումբը, որը համանախագահում են Ռուսաստանը, ԱՄՆ-ը և Ֆրանսիան, այս ամենի լուծման լավագույն ձևն է: