|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Իրանի իշխանությունները կշարունակեն ակտիվորեն աջակցել ՀԱՄԱՍ շարժմանը, որը վերահսկում է Գազայի հատվածը: Այս մասին ուրբաթ հայտարարել է Իսլամական հեղափոխության պահապանների կորպուսի հրամանատար Հոսեյն Սալամին ՀԱՄԱՍ-ի քաղբյուրոյի ղեկավար Իսմայիլ Հանիայի հետ հեռախոսազրույցի ընթացքում։
«Իսլամական Հանրապետությունը պատրաստ է բազմակողմանի աջակցություն ցուցաբերել Պաղեստին ժողովրդին և ՀԱՄԱՍ-ի խիզախ շարժմանը... Իրանը չի հրաժարվի իր դերից այս հարցում»,- Սալամիի խոսքերն է մեջբերում պաղեստինյան Dunya Al Watan ռադիոկայանը:
Իր հերթին, Հանիան «խորին երախտագիտություն է հայտնել Իրանին` Պաղեստին ժողովրդին և ՀԱՄԱՍ-ին ցուցաբերած օգնության համար»:
Ռադիոկայանը նշում է, որ զրույցը տեղի է ունեցել իրանական կողմի նախաձեռնությամբ:
Ավելի վաղ Հանիան, խոսելով Իսրայելի ու պաղեստինյան արմատական խմբավորումների միջև հրադադար հաստատելու կապակցությամբ, շնորհակալություն էր հայտնել Իրանի իշխանություններին ֆինանսական աջակցության և ՀԱՄԱՍ-ի համար զենք մատակարարելու համար: