Մեկնարկել են Բարձրագույն դատական խորհրդի մարզային այցելությունները

Մայիսի 19-ին Բարձրագույն դատական խորհուրդն աշխատանքային այց է կատարել Արարատի եւ Վայոց ձորի մարզերի ընդհանուր իրավասության դատարան` Արտաշատ, Մասիս, Վեդի, Եղեգնաձոր եւ Վայք քաղաքներում տեղակայված նստավայրեր:

ԲԴԽ-ից հայտնում են, որ Խորհրդի անդամները մարզային դատարանի դատավորների հետ քննարկել են առկա խնդիրները, խոսել դատաիրավական համակարգում ընթացող բարեփոխումների, դատավորների սոցիալական երաշխիքների ապահովման, աշխատավարձերի բարձրացման, ծանրաբեռնվածության նվազեցմանը միտված գործընթացների մասին, լսել դատավորների տեսակետներն ու առաջարկությունները:

Բարձրագույն դատական խորհրդի անդամները դատարանի նստավայրերում ծանոթացել են նաեւ շենքային պայմաններին, ստուգել աշխատակազմի, գրասենյակի, դատական կարգադրիչների ծառայության աշխատանքների կազմակերպման արդյունավետությունը: