Լավրովը Հայաստանի արտգործնախարարին հրավիրել է Ռուսաստան

Ռուսաստանի արտգործնախարար Սերգեյ Լավրովը իր հայ գործընկեր Արա Այվազյանին հրավիրել է Ռուսաստան:

«Ես իմ գործընկերոջը հրավիրեցի մեկ այլ այց կատարել Ռուսաստանի Դաշնություն, որպեսզի շարունակենք մեր սերտ կապերը արտաքին քաղաքականության և այլ հարցերում»,-ասել է նա հինգշաբթի Այվազյանի հետ ունեցած բանակցություններին հաջորդած մամուլի ասուլիսում:

Լավրովը նաև շեշտել է, որ, ընդհանուր առմամբ, բանակցությունների արդյունքները ևս մեկ անգամ ցույց տվեցին Ռուսաստանի և Հայաստանի վճռական տրամադրվածությունը երկկողմ դաշինքն ու ռազմավարական գործընկերությունն ամրապնդելու հարցում: «Մենք մեր հարաբերությունները համարում ենք Հարավային Կովկասում խաղաղության և կայունության կարևոր գործոն, մեր պետությունների հաջող սոցիալ-տնտեսական զարգացման երաշխիք»,- հավելել է նա։