ԵԱՀԿ Մինսկի խումբը կոչ է արել ազատ արձակել ռազմագերիներին և վերսկսել բանակցային գործընթացը

ԵԱՀԿ Մինսկի խմբի համանախագահներն իրենց հայտարարության մեջ ողջունել են Ադրբեջանի կողմից հայ ռազմագերիների ազատ արձակումը և կոչ արել երկու կողմերին՝ ամբողջությամբ և արագ ավարտել բոլոր գերիների, կալանավորվածների և մահացածների մասունքների փոխանակումը, ինչպես նաև կատարել պահված անձանց նկատմամբ մարդկային վերաբերմունք ապահովելու՝ իրենց պարտավորությունները:

Անդրադառնալով ապրիլի 13-ի իրենց հայտարարությանը` համանախագահները կողմերին հորդորում են փոխանակել հակամարտության շրջանների արդյունավետ ականազերծման և Լեռնային Ղարաբաղ մուտքի սահմանափակումները վերացնելու համար անհրաժեշտ բոլոր տվյալները, այդ թվում` միջազգային մարդասիրական կազմակերպությունների ներկայացուցիչների համար: Համանախագահները կողմերին կոչ են անում ձեռնարկել կոնկրետ քայլեր` ստեղծելու փոխվստահության մթնոլորտ, որը նպաստում է կայուն խաղաղությանը` լուծելով մնացած խնդրահարույց ոլորտները: Դա ներառում է բարձր մակարդակի քաղաքական երկխոսության վերսկսումը համանախագահների հովանու ներքո առաջին իսկ հնարավորության դեպքում: