Մենք Ադրբեջանի կառավարությանը կոչ ենք անում ազատ արձակել հայ ռազմագերիներին. Ֆրանսիացի պատգամավոր

Մենք Ադրբեջանի կառավարությանը կոչ ենք անում ազատ արձակել հայ ռազմագերիներին: Այս մասին հայտարարել է ֆրանսիացի պատգամավոր Բեռնար Ֆուրնյեն՝ ելույթ ունենալով ԵԽԽՎ գարնանային նստաշրջանում:

Նրա խոսքով, ՄԻԵԴ-ը հակամարտության ընթացքում եւ դրանից հետո կողմերին կոչ է արել կատարել Գերիների մասին կոնվենցիայի դրույթները: «ՄԻԵԴ-ը ձերբակալված անձանց վերաբերյալ բազմաթիվ դիմումներ է ստացել, որոնք ներկայացվել են կառավարությունների եւ հարազատների կողմից»,- ասել է նա:

Քաղաքական գործչի խոսքով՝ Ադրբեջանի կառավարությունն ընդհանուր բնույթի տեղեկություններ է տրամադրել՝ սահմանափակ ծավալով: «Մեր հիմնական առաջնահերթությունը պետք է լինի կոնվենցիայի պահպանումը: Մենք դիմում ենք Ադրբեջանին` հորդորելով ամբողջությամբ կատարելու ՄԻԵԴ-ի որոշումները, թույլ չտալ խոշտանգումներ... Մենք կոչ ենք անում Ադրբեջանի կառավարությանը ազատ արձակել ռազմագերիներին»: