ՏԵՍԱՆՅՈՒԹ․ Պաշտպանության նախարարը ներգրավվեց որպես երրորդ անձ Տիրան Խաչատրյանին պաշտոնանկ անելու գործով

Պաշտպանության նախարար Վաղարշակ Հարությունյանը ներգրավվեց որպես երրորդ անձ «ՀՀ զինված ուժերի գլխավոր շտաբի պետի նախկին առաջին տեղակալ Տիրան Խաչատրյանն ընդդեմ Հանրապետության նախագահ Արմեն Սարգսյանի» դատական նիստին ՀՀ վարչական դատարանում՝ հայտնում է Yerkir.am-ը։

Իբրև երրորդ անձ ներգրավված են նաև վարչապետի աշխատակազմն ու ՀՀ Զինված ուժերի Գլխավոր շտաբը:

Հայցվոր կողմի միջնորդությամբ Վաղարշակ Հարությունյանը պետք է ներգրավվեր որպես պատասխանող կողմ, բայց դատարանը մերժեց այս պահանջը և որոշեց ներգրավել իբրև երրորդ անձ։

Եվս մեկ նախնական դատարան նիստ կնշանակվի։

Հիշեցնենք, որ Տիրան Խաչատրյանը դատարանից պահանջում է անվավեր ճանաչել  իրեն պաշտոնից ազատելու՝ ՀՀ նախագահ Արմեն Սարգսյանի հրամանագիրը: Արմեն Սարգսյանը 2021 թվականի փետրվարի 24-ին էր հրամանագրով Խաչատրյանին ազատել Հայաստանի Հանրապետության զինված ուժերի գլխավոր շտաբի պետի առաջին տեղակալի պաշտոնից՝ հիմք ընդունելով վարչապետի առաջարկությունը: Վարչապետի առաջարկությունը հետևել էր «Իսկանդերի»՝ 10 տոկոս պայթելու մասին Նիկոլ Փաշինյանի հայտարարության առիթով երկար  ծիծաղելու համար։

Մանրամասն՝ տեսանյութում․