Չավուշօղլուն հայտարարել է, որ Թուրքիան չի սատարում Ուկրաինայի ճգնաժամում կողմերից ոչ մեկին

Թուրքիան չի աջակցում Ուկրաինայի ճգնաժամի որևէ կողմի. հինգշաբթի ասել է Թուրքիայի արտգործնախարար Մևլյութ Չավուշօղլուն:

«Մենք լավ հարաբերություններ ունենք ինչպես Ռուսաստանի, այնպես էլ Ուկրաինայի հետ: Մենք հանդես ենք գալիս խնդրի խաղաղ և դիվանագիտական ճանապարհով լուծման օգտին,- ասել է նա NTV հեռուստաալիքի եթերում:- Յուրաքանչյուր երկրի հետ մեր հարաբերությունները չպետք է ազդեն այլ պետությունների հետ հարաբերությունների վրա: Ռուսաստանի և Ուկրաինայի միջև թյուրըմբռնման մեջ մենք կողմերից ոչ մեկին չենք սատարելու»:

Միևնույն ժամանակ, ապրիլի 10-ին՝ Ուկրաինայի նախագահ Վլադիմիր Զելենսկիի հետ բանակցություններից հետո, Թուրքիայի նախագահ Ռեջեփ Թայիփ Էրդողանը հայտարարել էր, որ Թուրքիան պատրաստ է տրամադրել «անհրաժեշտ աջակցությունը» Մինսկի համաձայնագրերի հիման վրա Ուկրաինայի արևելքում հակամարտությունը կարգավորելու համար: Էրդողանը հույս էր հայտնել, որ «տագնապալի սրացումը կավարտվի հնարավորինս շուտ, հրադադարը կպահպանվի, և հակամարտությունը կլուծվի Մինսկի համաձայնագրերի հիման վրա՝ երկխոսության միջոցով»: «Մենք պատրաստ ենք այս հարցում ցուցաբերել բոլոր անհրաժեշտ աջակցությունները»,- հավելել էր նա: