Ռազմագերիների փոխանցման հարցը փակված է. Ադրբեջանի ԱԳ նախարար

Ադրբեջանի արտգործնախարար Ջեյհուն Բայրամովն քիչ առաջ հայտարարել է, թե ռազմագերիների վերադարձի հարցը լուծված է՝ հավելելով, որ Ադրբեջանն իր պարտավորությունների շրջանակում հայկական կողմին իբր արդեն վերադարձրել է բոլոր ռազմագերիներին։

«Մենք հայկական կողմին ենք վերադարձրել 70-ից ավել ռազմագերիների։ Որպեսզի զինվորականը համարվի ռազմագերի, նրան պետք է գերեվարել ռազմական օպերացիայի ընթացքում։ Նրանց, ովքեր բռնվել են հակաահաբեկչական գործողության ժամանակ նոյեմբերի 9֊ից հետո, պետք է անվանել ահաբեկիչներ, բայց ոչ երբեք ռազմագերիներ»,- հայտարարել է Բայրամովը։

Նշենք, որ նոյեմբերի 9-ին Նիկոլ Փաշինյանի ստորագրած կապիտուլյացիոն պայմանագրում նշված էր գերիների վերադարձ՝ բոլորը բոլորի դիմաց սկզբունքով: Փաշինյանի որոշմամբ՝ Հայաստանը հենց առաջին իսկ շաբաթվա ընթացքում վերադարձրեց Հայաստանում դատապարտված ադրբեջանցի դիվերսանտ մարդասպաններին, իսկ Ադրբեջանը հրաժարվում է վերադարձել ռազմագերիներին՝ անընդհատ նոր զիջումներ պարտադրելով Հայաստանի իշխանություններին:

Տես նաև՝  Հայ ռազմագերիներին տեղափոխող ինքնաթիռը Բաքվից Երեւան է ժամանել դատարկ. Freenews.am:

Տես նաև՝ Գերիների վերադարձը կրկին հետաձգվում է․ Տիգրան Ավինյանի գրասենյակի մեկնաբանությունը:

Տես նաև՝ «Էրեբունի» օդանավակայանում հավաքված գերիների ծնողներն ու հարազատները խիստ վրդովված են: