Հայտարարվել է կենսական նշանակության ճանապարհների վթարավտանգ հատվածների բարելավման նախագծային աշխատանքների մրցույթ

ՀՀ ՏԿԵՆ «Ճանապարհային դեպարտամենտ» ՊՈԱԿ-ը Կենսական նշանակության ճանապարհային ցանցի բարելավման 2-րդ լրացուցիչ ֆինանսավորում ծրագրի շրջանակներում հայտարարել է մրցույթ՝ վթարավտանգ հատվածների բարելավման աշխատանքների համար նախագծի ու բնապահպանական եւ սոցիալական կառավարման պլանների պատրաստման‚ ինչպես նաեւ նախագծի հեղինակային հսկողության համար։ Այս մասին հայտնում են «Ճանապարհային դեպարտամենտ» ՊՈԱԿ-ից։

Նախագծային կազմակերպություններին հրավիրում ենք մասնակցելու մրցույթին։ Հայտերի ընդունման վերջնաժամկետն է ապրիլի 23-ը՝ ժամը 18:00։ Մրցույթի եւ տեխնիկական առաջադրանքի վերաբերյալ մանրամասներ կարող եք գտնել հետեւյալ հղմամբ։

Մրցույթը հիմնականում ուղղված է ներքին շուկայում գործող կազմակերպություններին. մասնակցել կարող են նաեւ տեղական նախագծային ընկերությունները‚ ինչը կխթանի այս ոլորտում գործող կազմակերպությունների աշխատանքը‚ նրանց ներգրավումը միջազգային ծրագրերում։