ՏԵՍԱՆՅՈՒԹ․ 3 տարի շարունակ քրեական գործերում կա քաղաքական պատվեր․ Գոհար Մելոյան

Ինձ համար զարմանալի չէ, որ այսպիսի իրավիճակ է առկա, ինձ համար ցավալի էր, որ այս իրավիճակին մասնակից էր իմ կողմից ճանաչված նորմալ մասնագետը՝ ըստ Yerkir.am-ի հայտարարեց սահմանադրագետ Գոհար Մելոյանը՝ խոսելով Փաշինյանի խորհրդական Աննա Վարդապետյանի միջամտության մասին Ռուբեն Հայրապետյանի որդուն մեղադրանք առաջադրելու գործընթացին:

«Արդեն ավելի քան պարզ է, որ 3 տարի շարունակ քրեական գործերում կա քաղաքական պատվեր, մարդիկ հետապնդում են այլ քաղաքական հայացքներ ունեցող մարդկանց և բերման ենթարկում, իսկ սա մարդու հիմնարար իրավունքների ոտնահարում է»,- ասաց սահմանադրագետը:

Նա ասաց, որ շատ կցանկանար լսել Նիկոլ Փաշինյանի խորհրդական Աննա Վարդապետյանի արդարացումը երեկվա տեսանյութի հետ կապված, որտեղ պարզ երևում է նրա անմիջական մասնակցությունը, և իր համար շատ ցավալի էր, որ Աննա Վարդապետյանը որևէ պարզաբանում չտվեց։

«Երեկ ապացույց հանդես եկավ, որ նա մասնակցում է կոնկրետ քրեական գործերով քաղաքական պատվերների իրականացման գործընթացին: Նախ, սա Քրեական օրենսգրքով նախատեսված քրեական արարք է, և փաստացի նրա դա մասն է հանդիսանում և միջամտում է արդարադատությանը»,- ասաց Գոհար Մելոյանը:

Գոհար Մելոյանն ասաց՝ 3 տարի շարունակ սահմանադրական կարգը տապալվել է, իսկ դատական ինստիտուտը եղել է շրջափակման մեջ:

«Մենք ապրել ենք այս իրավիճակում շուրջ 3 տարի, երբ սահմանադրական կարգ է պարբերաբար տապալվել, և ականատես ենք եղել դատական իշխանության, դատարանների շրջափակմանը։ Այս տեսանյութը զարմանալի չէր, ինձ համար ցավալի էր կոնկրետ անձի մասնակցությունը այս գործընթացին»,- ասաց նա:

Մանրամասն՝ տեսանյութում․