ՏԵՍԱՆՅՈՒԹ․ Ես խոստանում եմ՝ Նիկոլին օր ու արև չեմ տալու․ Իշխան Սաղաթեյլանի դեմքն արնահոսեց ոստիկանների գործողություններից

Քանի ես շնչում եմ՝ կա՛մ բանտ, կա՛մ ազատություն՝ ըստ Yerkir.am-ի հայտարարեց ՀՅԴ Հայաստանի ԳՄ ներկայացուցիչ Իշխան Սաղաթելյանը ՀՀ կառավարության 3-րդ մասնաշենքի առջև բողոքի ակցիայի ժամանակ։

Տասնյակ ոստիկաններ շրջապատեցին Իշխան Սաղաթելյանին և, բռնի ուժ կիրառելով, փորձեցին բերման ենթարկել։ ՀՅԴ Հայաստանի կառույցի ղեկավարը, սակայն, դուրս եկավ ոստիկանների շրջափակումից։

Իշխան Սաղաթելյանի դեմքից արյուն էր հոսում ոստիկանների հարվածներից։

«Ոչ մի վնասվածք էլ չեմ ստացել, գլուխները պատին են տվել, էս խուժանություն է, սրանք թուրք են, սրանք հայ չեն։ Թող գնային թուրքերի դեմ կռվեին, ոչ թե սեփական ժողովրդի։ Ես խոստանում եմ՝ Նիկոլին օր ու արև չեմ տալու»,-հայտարարեց Իշխան Սաղաթելյանը։

Բոլոր հանցագործները պատասխան են տալու, ասաց նա, Նիկոլը պիտի տուն գնա, որ այս երկիրը փրկենք այս բռնապետությունից։

Մանրամասն՝ տեսանյութում․