Բաքուն և Թբիլիսին քննարկել են ռազմական համագործակցությունը

Չորեքշաբթի Վրաստանի պաշտպանության նախարար Իրակլի Ղարիբաշվիլին Թբիլիսիում հանդիպում է ունեցել երկրում Ադրբեջանի դեսպան Ֆաիգ Գուլիևի հետ, որի ընթացքում քննարկվել են երկու երկրների ռազմական համագործակցության հարցեր, այս ոլորտում համաձայնագրի կնքումը․ հաղորդում է. վրացական ՊՆ–ի կայքը։

Նախարար Ղարիբաշվիլին և ադրբեջանցի դիվանագետը քննարկել են Ադրբեջանի և Վրաստանի միջև բարեկամական ու ռազմավարական հարաբերությունները: Կողմերը մատնանշել են նաև երկու երկրների պաշտպանության նախարարությունների միջև համագործակցության դրական դինամիկան:

Հանդիպման ընթացքում վրաց նախարարը և Ադրբեջանի դեսպանն անդրադարձել են նաև Բաքվի և Թբիլիսիի միջև պաշտպանության ոլորտում համագործակցության մասին համաձայնագիր կնքելու խնդրին, նշել ռազմական կրթության ոլորտում հարաբերությունների զարգացման կարևորությունը: