Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-01-30 14:29
Քաղաքական

Ձեր պատասխանը մանիպուլյացիայի կոնկրետ օրինակ է. Լ. Սարգսյանը՝ Փաշինյանին

Ձեր պատասխանը մանիպուլյացիայի կոնկրետ օրինակ է. Լ. Սարգսյանը՝ Փաշինյանին

Yerkir.am-ի լրագրող Լիա Սարգսյանը ֆեյսբուքյան իր էջում գրել է․

Պարոն Փաշինյան, հստակ հարց էի տվել՝ ըստ Ձեզ Շուշին՝
ա. հայկական է
բ. ադրբեջնական է:
Ձեր պատասխանը դիտարկում եմ որպես լրագրողական մանիպուլյացիայի շատ կոնկրետ օրինակ:
ՀՀ վարչապետից ակնկալում էի լսել, որ հայոց հինավուրց բերդաքաղաք Շուշին հայկական է՝ իր ցանկացած կարգավիճակով:
Եվ ուրեմն, եկեք արձանագրենք՝ Նիկոլ Փաշինյանն իր այս ելույթով փաստեց, որ ՌԴ նախագահ Վ. Պուտինի առաջարկը ընդունելու դեպքում Շուշին մնալու էր Արցախի կազմում:
Այսինքն՝ քաղաքի ադմինիստրացիան, ոստիկանությունը, ԱԱԾ-ն եւ մյուս իրավապահ մարմինները լինելու էին հայկական: Ինքներդ ձեզ հարց տվեք՝ արդյո՞ք այս պայմաններում ադրբեջանցի փախստականները կվերադառնային Շուշի:
 
Հիշեցնենք՝ Նիկոլ Փաշինյանը, ֆեյսբուքյան ուղիղ եթերում խոսելով Շուշի քաղաքի մասին, նշեց, որ ԱԺ-ում արած իր հայտնի հայտարարությունը Շուշիի կարգավիճակի, ոչ թե ծագումնաբանության մասին էր, մենք պատմական հարց չենք քննարկել, թե Շուշին ով է հիմնադրել, ովքեր են ապրել Շուշիում 20-րդ դարի սկզբին:

Հայաստանի Հանրապետության ԶՈւ կազմավորման տոնին Եռաբլուրում, ի պատասխան Yerkir.am-ի լրագրող Լիա Սարգսյանի հարցին, թե արդյոք Շուշին ադրբեջանակա՞ն է համարում, ինչի մասին նա հայտարարել է Ազգային ժողովում, Նիկոլ Փաշինյանն ասել էր. «Իմ մեջբերումը թղթի վրա կբերեք Դուք անձամբ, որ ես ասել եմ, թե Շուշին ադրբեջանական է, և ուղիղ եթերում ես Ձեզ կպատասխանեմ»:

««Այսինքն՝ հայկակա՞ն է իր այդ կարգավիճակով» արտահայտությամբ ես պատասխանել եմ պատգամավորի՝ «Շուշին մնալով մեր վերահսկողության ներքո՝ պատերազմը կանգնեցնելու պայմանով» հարցին: Ուրեմն ինչի մասին է խոսքը. դուք գիտեք, որ պատերազմի ընթացքում եղել է պատերազմը կանգնեցնելու տարբերակների մասին խոսակցություն, և ադրբեջանական կողմը պայման է առաջադրել՝ ադրբեջանցի փախստականների վերադարձը Շուշի քաղաք, ըստ էության, խոսքը վերաբերում էր 92 թվականի ժողովրդագրական ստատուս-քվոն վերականգնելու հնարավորության մասին: Այսինքն՝ երբ մենք համաձայնել էին պատերազմը կանգնեցնել, առաջ եկավ նոր պայման, այդ նոր պայմանն այն է, որ Շուշի պետք է վերադառնային Ադրբեջանի փախստականները՝ համաձայն 1992 թվականի գոյություն ունեցած ստատուս-քվոյի»,-մեկնաբանեց Փաշինյանը:
 
 

Տես նաև՝ Փաշինյանն իրեն կորցրեց․ Էդ Դուք էի՞ք Շուշիի հարցը տալիս

Տես նաև՝ Փաշինյանի անվտանգությունն ապահովողները հրում և մեկուսացնում են Շուշիի մասին հարց տված լրագրողին:

Տես նաև՝ Շուշին ադրբեջանակա՞ն է, թե՞ հայկական․ Yerkir.am-ի լրագրողը, Փաշինյանի խնդրանքով, հարցը տարավ կառավարություն: 

Տես նաև՝ Դատախազությունը ուսումնասիրում է Yerkir.am-ի լրագրողի պաստառը պատռելու հանգամանքը:

Տես նաև՝  Մեծացել է խոսքի ազատության դեմ անհանդուրժողականությունը․ «Մեդիա պաշտպան»:

Տես նաև՝  Փաշինյանին քննադատած լրագրող Լիա Սարգսյանին ահաբեկում և հետապնդում են Փաշինյանի աջակից տղաներ

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը