Արցախում ռուս-թուրքական կենտրոնը կսկսի գործել հունվարի 30-ից

Շաբաթ` հունվարի 30-ին, իր աշխատանքները կսկսի Լեռնային Ղարաբաղում ռազմական գործողությունների դադարեցման վերահսկման ռուս-թուրքական կենտրոնը: Այս մասին հայտնել է Թուրքիայի ազգային պաշտպանության նախարար Հուլուսի Աքարը. հայտնում է ՏԱՍՍ-ը:

Թուրք նախարարի խոսքով` կենտրոնում կծառայեն մեկ գեներալ և 38 թուրք զինվորականներ:

Հիշեցնենք, որ Թուրքիայի առաջնորդ Ռեջեփ Թայիփ Էրդողանը նախորդ տարվա նոյեմբերին հայտարարել էր Անկարայի` Ռուսաստանի Դաշնության հետ համատեղ կենտրոնի միջոցով հրադադարի ռեժիմի դիտարկման և վերահսկման գործողություններ իրականացնելու մտադրության մասին: Ավելի ուշ Ռուսաստանի արտգործնախարարությունը բացատրել էր, որ այս կենտրոնը առնչություն չունի խաղաղապահների գործունեության հետ: