|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Թուրքիայում ձերբակալվել են մի խումբ անձինք, որոնք հայրենական պաշտպանական ծրագրերի մասին տեղեկատվություն են փոխանցել օտարերկրյա ընկերությունների. հայտնում է Anadolu-ն:
Անկարայի դատախազության տվյալներով՝ ձերբակալությունն իրականացրել են Ազգային հետախուզական կազմակերպությունը (MİT) և ոստիկանության Անկարայի վարչությունը:
Ընդհանուր առմամբ, ձերբակալվել է վեց անձ, այդ թվում՝ նախագահի աշխատակազմին կից պաշտպանական արդյունաբերության վարչության նախկին աշխատակից:
Դատախազությունը նշել է, որ մի խումբ անձանց գործողությունները դիտարկվել են ամբողջ տարվա ընթացքում:
Ձերբակալվածները ներգրավված են պաշտպանական նախագծերի մրցույթների հետ կապված խարդախությունների մեջ: Պարզվել է, որ նրանք օտարերկրյա ընկերություններին տեղեկատվություն են տրամադրել պաշտպանական արդյունաբերության վարչության նախագծերի, մրցույթների, գնանշումների և մատակարարման շղթաների վերաբերյալ, ինչը շահավետ դիրք է ապահովել այս ընկերությունների համար՝ մրցակիցների համեմատ: