ՏԵՍԱՆՅՈՒԹ․ Փաշինյանի ստորագրած եռակողմ փաստաթուղթը «մտադրությունների մասին հայտարարություն» էր․ նախարար

Փաշինյանի ստորագրածը «մտադրությունների մասին հայտարարություն» էր՝ ըստ Yerkir.am-ի պարզաբանեց ՀՀ արդարադատության նախարար Ռուստամ Բադասյանը նախարարության առջև բողոքի ակցիա իրականացնող քաղաքացիներին։

Լրագրողները հետաքրքրվեցին՝ նոյեմբերի 9-ի լույս 10-ի գիշերը Փաշինյանի ստորագրած եռակողմ հայտարարությունը ի՞նչ տիպի փաստաթուղթ էր, որին ի պատասխան Բադասյանն ասաց, որ դա մտադրությունների մասին հայտարարություն է, բայց չհստակեցրեց՝ «մտադրությունների մասին հայտարարությունը» կարո՞ղ է համարվել միջազգային պայմանագիր, թե՞ ոչ։

«Եթե ուսումնասիրեք միջազգային պայմանագրերի հետ կապված կարգավորումները, պրակտիկան, որը ձևավորվել է՝ որակելու նման փաստաթղթերը որպես միջազգային պայմանագիր, կամ չորակելու, այնտեղ կան հստակ կարգավորումներ՝ ինչն է համարվում մտադրությունների մասին հայտարարություն»,-ասաց նա։

Նախարարը նաև պնդեց, որ ՀՀ սահմանների փոփոխություն տեղի չի ունենում, դելիմիտացիայի և դեմարկացիայի ոչ մի պրոցես տեղի չի ունենում։

Մանրամասն՝ տեսանյութում․