Թրամփը խոստացել է «դժոխքի ճակատամարտ» նախագահի պաշտոնի համար

ԱՄՆ նախագահ Դոնալդ Թրամփը խոստացել է առանց դիմադրության իշխանությունը չփոխանցել ԱՄՆ ընտրված նախագահ, դեմոկրատ Ջո Բայդենին, նույնիսկ եթե Բայդենի կողմնակիցները «գրավեն» Սենատը և Սպիտակ տունը: Այս մասին նա հայտարարել է Ջորջիա նահանգում հանրահավաքի ժամանակ: Ելույթի ձայնագրությունը տեղադրվել է Թրամփի Twitter-ում:

«Եթե դեմոկրատները գրավեն Սենատը և Սպիտակ տունը, ապա մենք նրանց դեմ պայքարելու ենք ամբողջ ուժով, պայքարելու ենք դժոխքի պես»,- ասել է նա:

ԱՄՆ-ում նախագահական ընտրություններն անցկացվել են նոյեմբերի 3-ին: Հաղթած Բայդենի երդման արարողությունը նախատեսված է հունվարի 20-ին:

Թրամփը հրաժարվում է ընդունել պարտությունը: Նա պնդում է, որ ընտրությունները կեղծվել են: Այնուամենայնիվ, մինչ այժմ քաղաքական գործչի կողմից դատարանների միջոցով արդյունքները վիճարկելու փորձերն անհաջող են եղել: Ակնկալվում է, որ հունվարի 6-ին ԱՄՆ Սենատը և Ներկայացուցիչների պալատը կհաստատեն ընտրական կոլեգիայի քվեարկության արդյունքները: