ՌԴ-ում ԱՄՆ դեսպանը հրաժարվել է ՌԴ ԱԳՆ-ի՝ «Սպուտնիկ V»-ով պատվաստվելու առաջարկից

«Դեսպան Սալիվանը Ռուսաստանի ԱԳՆ-ին շնորհակալություն է հայտնում պատվաստվելու առաջարկի համար, սակայն չէր ցանկանա օգտագործել «Սպուտնիկ V»-ի՝ Ռուսաստանի քաղաքացու համար նախատեսված դեղաչափը։ Մենք ուրախ ենք, որ ամերիկյան երկու պատվաստանյութերն այժմ հաստատվել են և օգնում են մարդկանց պայքարել COVID-19-ի դեմ ԵՄ-ում, Մեծ Բրիտանիայում, Լատինական Ամերիկայում և ԱՄՆ-ում»,- գրել է Ռոսը:

Ռուսաստանի ԱԳՆ-ն Twitter-ի իր էջում պատասխանել էր Սալիվանի նամակին՝ նշելով, որ եթե Սանտան դեռ չի կատարել ամերիկացի դիվանագետի ցանկությունները, ապա Ձմեռ պապը նվերներ ունի նրա համար: Դիվանագիտական գերատեսչությունը հիշեցրել էր, որ ռուսական «Սպուտնիկ V» պատվաստանյութը հաստատվել է 60 տարեկանից բարձր անձանց պատվաստելու համար, ինչպես նաև խորհուրդ տվել դիտարկել ռուսական Заряд ընկերության հոկեյի մականները, որոնցով, ինչպես հայտնի է, խաղում է Ռուսաստանի նախագահ Վլադիմիր Պուտինը: Իսկ մարզակոշիկների վերաբերյալ դեսպանին խորհուրդ են տվել դիմել «Մատչ ՏՎ» հեռուստաալիքի գլխավոր պրոդյուսեր Թինա Կանդելակիին, որն ակտիվորեն առողջ ապրելակերպ է քարոզում, իսկ մի քանի տարի առաջ մի քանի սպորտային կոշիկներ է նվիրել Մոսկվայի քաղաքապետ Սերգեյ Սոբյանինին։