ԱՄՆ պաշտպանության նախկին նախարար Ռոբերտ Գեյթսը Բայդենին հորդորել է մեծացնել ճնշումը Թուրքիայի վրա

ԱՄՆ  պաշտպանության նախկին նախարար Ռոբերտ Գեյթսը ընտրված նախագահ Ջո Բայդենին կոչ է արել ուժեղացնել ճնշումը Թուրքիայի վրա:

New York Times-ի իր հոդվածում Գեյթսը նշել է, որ ԱՄՆ պատժամիջոցները «լավ սկիզբ են», բայց Բայդենը պետք է ավելի հեռուն գնա և նույնիսկ մտածի Թուրքիային ՆԱՏՕ-ի մյուս երկրներից մեկուսացնելու քայլեր ձեռնարկելու մասին: «Թուրքիայի կողմից ռուսական Ս-400 հակաօդային պաշտպանության համակարգի գնումը, չնայած ԱՄՆ-ի բազմաթիվ նախազգուշացումներին, պետք է ունենա հետևանքներ»,- գրել է Գեյթսը և հավելել. «ՆԱՏՕ-ի կանոնադրության մեջ չկա որևէ դրույթ անդամ պետության բացառման մասին, բայց հնարավոր է ստեղծագործ դիվանագիտություն, ներառյալ՝ լիազորությունների կասեցումը կամ պատժիչ այլ միջոցներ»:

Գեյթսը, որն աշխատել է նախկին նախագահ Բարաք Օբամայի վարչակազմում 2006-ից 2011 թվականներին, քննադատել է Թուրքիայի գործողությունները Լիբիայում, Սիրիայում և Արևելյան Միջերկրական ծովում, որտեղ, ըստ նրա, Անկարան գործում է ՆԱՏՕ-ի մյուս անդամների շահերի դեմ:

«ԱՄՆ-ը պետք է ՆԱՏՕ-ում առաջնորդություն ստանձնի` որոշելու համար Թուրքիայի, Հունգարիայի և ավելի շատ Լեհաստանի համար հետևանքները, որոնք շարժվում են դեպի ավտորիտարիզմ (կամ ամբողջովին ընդունել են այն)»,- ասել է Պենտագոնի նախկին ղեկավարը: