Թրամփն առաջարկում է պաշտպանության ծախսերը մեծացնել մինչև 1 տրիլիոն դոլար

ԱՄՆ նախագահ Թրամփը ուրբաթ օրը հրապարակեց Սպիտակ տան 2026 թվականի բյուջեի իր առաջարկը, որը ներառում է ոչ պաշտպանական ծրագրերի կտրուկ կրճատումներ՝ միաժամանակ ավելացնելով պաշտպանության և սահմանների ֆինանսավորումը։ Այս մասին հաղորդում է The Hill-ը։

Առաջարկվում է 163 միլիարդ դոլարով կրճատել ոչ պաշտպանական ծախսերը։

Պաշտպանության ոլորտում վարչակազմը առաջարկում է ֆինանսավորման 13 տոկոս ավելացում, որի արդյունքում ընդհանուր գումարը կհասնի մի փոքր ավելի քան 1 տրիլիոն դոլարի։

Վարչակազմը հայտարարել է, որ բյուջեն «ենթադրում է» օրինագծի ընդունումը, որը, ինչպես սպասվում է, կներառի ավելի քան 300 միլիարդ դոլարի ֆինանսավորում պաշտպանական ծրագրերի համար և կխթանի Թրամփի օրակարգը սահմանների և ներգաղթի վերաբերյալ։