ԵՄ գործող պատժամիջոցները Թուրքիայի դեմ բավարար չեն. Հունաստանի արտգործնախարար

ԵՄ գործող պատժամիջոցները Թուրքիայի դեմ բավարար չեն, իսկ ավելի խիստ պատժիչ միջոցառումների գործընթացը չափազանց դանդաղ է ընթանում: Այս մասին հայտարարել է Հունաստանի արտաքին գործերի նախարար Նիկոս Դենդիասը, փոխանցում է Greek City Times-ը:

«Ինձ հետաքրքիր է`  ինչպե ՞ ս ԵՄ-ն կարող է տասնամյակներ շարունակ համակերպվել իր անդամների, մասնավորապես` Թուրքիայից կողմից Հունաստանի դեմ պատերազմի սպառնալիքի հետ»,- ասել է Դենդիասը հունական Parapolitika թերթին տված հարցազրույցում:

Աթենքը ԵՄ անդամ երկրներին կոչ է արել խստորեն պատժամիջոցներ կիրառել Թուրքիայի դեմ Միջերկրական ծովի ջրերում ածխաջրածինների հետախուզման համար, սակայն ԵՄ ղեկավարները հետաձգել են պատժիչ միջոցառումների քննարկումները մինչեւ 2021 թվականի մարտ:

Դենդիասը հերքել է եվրոպացի պաշտոնյաների առաջարկներն այն մասին, որ Թուրքիային զենքի մատակարարման էմբարգոն կխախտի միասնությունը ՆԱՏՕ-ում: «Ինչպե՞ս են նրանք արդարացնում իրենց դիրքորոշումը, մինչդեռ Հյուսիսատլանտյան դաշինքի հենասյունը` Միացյալ Նահանգները, պատժամիջոցներ են սահմանել Թուրքիայի դեմ»,- ասել է Դենդիասը: Նրա խոսքով` Աթենքը կշարունակի համբերատարություն եւ համառություն ցուցաբերել այս հարցում: