ՏԵՍԱՆՅՈՒԹ․ ՊՆ-ի դուռը կոտրեցին անհետ կորած զինծառայողների հարազատները

Պաշտպանության նախարարության մուտքի դուռը կոտրեցին անհետ կորած զինծառայողների ծնողներն ու հարազատները՝ հայտնում է Yerkir.am-ը։

Նրանք ՊՆ շենքի առջև էին այսօր վաղ առավոտից և նաև երեկ ամբողջ օրը։ Մի պահ իրավիճակը լարվեց եւ անհետ կորածների հարազատները կոտրեցին դուռն ու մտան նախարարության տարածք:

Հարազատներին առավել ևս մտահոգել են տեսանյութերը, որոնց համաձայն կան գերեվարված հայ նոր զինծառայողներ։ Նրանք պնդեցին, որ այսօր կմնան նախարարությունում այնքան, մինչև չձեռնարկվեն գործուն քայլեր՝ իրենց որդիների հայտնաբերման ուղղությամբ:

Հիշեցնենք, որ ադրբեջանական լրատվամիջոցները հրապարակել են ևս 100-160 գերեվարված հայ զինծառայողի մասին լուսանկարներ և տեսանյութեր։ Նաև հայտնել են, որ նրանցից 11-ին արդեն սպանել են։ ՀՀ ՊՆ-ի արձագանքը անորոշ է։ Մինչդեռ Շիրակի մարզի բնակավայրերի շատ բնակիչներ հայտարարում են, որ գերեվարվածները իրենց հարազատներն են և Շիրակի մարզպետարանի առջև բողոքի ակցիա են անցկացնում:

Մանրամասն՝ տեսանյութում․