|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Ռուսաստանում կորոնավիրուսից մահացության հարաբերականորեն ցածր ցուցանիշները պայմանավորված են այն հանգամանքով, որ երկրի առողջապահության համակարգը լավ է գլուխ հանում իր գործառույթներից՝ ժամանակին հոսպիտալացնելով հիվանդներին և նրանց որակյալ բուժում տրամադրելով:
Ինչպես հայտնում է ТАСС գործակալությունը, նման կարծիք է հայտնել ՌԴ-ում Առողջապահության համաշխարհային կազմակերության ներկայացուցիչ Մելիտա Վույնովիչը: Նրա խոսքով՝ Ռուսաստանը, գտնվելով ողջ աշխարհում կորոնավիրուսով վարակվածների թվով չորրորդ տեղում, մահացության դեպքերի բավականին ցածր ցուցանիշ ունի:
«Դա բացատրվում է նրանով, որ առողջապահության համակարգը կարողացել է գլուխ հանել հոսպիտալացման պահանջ ունեցող դեպքերի հետ, ինչպես նաև խնամել և բուժել հիվանդներին: Ռուսաստանի առողջապահության համակարգը կարողացել է շրջանների մեծ մասում ընդունել բոլոր այն հիվանդներին, որոնք հոսպիտալացման կարիք են ունեցել: Դրանք այն հիվանդներն են, որոնք թթվածնային թերապիայի և առավել ծանր խնամքի կարիք ունեին»,- ասել է ԱՀԿ ներկայացուցիչը:
Վերջին տվյալների համաձայն՝ կորոնավիրուսով վարակվածների թիվը Ռուսաստանում հասել է 2 707 945-ի, որից 47 968-ը մահացել են: