«Ռոսսելխոզնադզոր»-ը ժամանակավոր սահմանափակումներ է մտցնում Ադրբեջանից ՌԴ տարածք լոլիկի և խնձորի մատակարարման համար

«Ռոսսելխոզնադզոր»-ը բազմիցս տեղեկացրել է Ադրբեջանի սննդամթերքի անվտանգության գործակալությանը Ռուսաստանի Դաշնության տարածք մատակարարվող արտադրանքներում ԵԱՏՄ անդամ պետությունների համար կարանտինային օբյեկտների հայտնաբերման համակարգված դեպքերի մասին. հայտնում է ծառայության կայքը։

Այսպես՝ Եվրասիական տնտեսական միության համար կարանտինային օբյեկտների հայտնաբերման 17 դեպք է գրանցվել միայն 2020 թ. հոկտեմբերի 22-ից մինչ օրս։ Այդ առումով՝  բուսասանիտարական բարեկեցությունը պահպանելու, Ռուսաստանի Դաշնության տարածքում այդ վնասատուների ներկրումն ու տարածումը կանխելու համար, «Ռոսսելխոզնադզոր»-ը ստիպված է արգելել ադրբեջանական ծագման լոլիկի և խնձորի ներկրումը Ռուսաստան 2020 թվականի դեկտեմբերի 10-ից: