Թուրքիան և Ռուսաստանը վիճաբանել են Ադրբեջանում թուրքական ռազմական դիրքի պատճառով. Fırat

Թուրքիան և Ռուսաստանը վիճաբանել են Ադրբեջանում թուրքական ռազմական դիրքի պատճառով: Նրանք համաձայն չեն Ադրբեջանում անկախ ռազմական դիտակետ հիմնելու՝ Անկարայի ցանկության հարցում. հայտնում է Fırat գործակալությունը։

Այս մասին թուրքական աղբյուրը հայտնել է այն բանից հետո, երբ այս ամիս պետությունները պայմանավորվել էին Լեռնային Ղարաբաղի տարածաշրջանում հրադադարի ռեժիմը վերահսկելու մասին:

Թուրքիան և Ռուսաստանն արդեն պայմանավորվել են տարածաշրջանում համատեղ կենտրոն հիմնել՝ նոյեմբերի 10-ի հրադադարի ռեժիմը վերահսկելու համար:

Ռուսաստանի և Թուրքիայի պաշտոնատար անձինք դեռ պետք է համաձայնության գան դիտարկման մեխանիզմի պարամետրերի շուրջ, սակայն Թուրքիան, որը Ադրբեջանի հավատարիմ դաշնակիցն է, նույնպես ցանկանում է, որ իր անկախ դիտակետը մեծացնի ազդեցությունը տարածաշրջանում, որը նա համարում է կարևոր սեփական անվտանգության համար:

«Կարծիքի ամենամեծ տարբերությունն այժմ այն դիտակետն է, որը Թուրքիան կստեղծի Ադրբեջանի հողերում,- նշել է թուրքական աղբյուրը:- Ռուսաստանը կարծում է, որ Թուրքիան չունի անհրաժեշտություն տարածաշրջանում դիտակետ ստեղծելու համար՝ Համատեղ կենտրոնից անկախ: Սակայն, ըստ Թուրքիայի, այդպիսի անհրաժեշտություն կա»:

Աղբյուրը մանրամասնում է, որ Մոսկվայում բանակցությունները կշարունակվեն, և որ Թուրքիան ակնկալում է, որ, ի վերջո, փոխզիջման կգա Ռուսաստանի հետ: