Ղարաբաղյան երկրորդ պատերազմը պաշտոնյաների ստի խորհրդանիշն է. Старше Эдды

Որքան երկար եմ նայում Հայաստանին, այնքան ավելի շատ եմ եզրակացության գալիս. Ղարաբաղյան երկրորդ պատերազմը պաշտոնյաների ստի խորհրդանիշն է, որը փշրվում է՝ տեղեկատվական նոր իրականությանը բախվելով.  գրում է թելեգրամյան հայտնի Старше Эдды ալիքը։

«Այսինքն՝ պաշտոնական տեղեկատվությունը՝ բյուջեով ու աշխատավարձով հատուկ մարդկանց և հաստատությունների կողմից ջանադրաբար պատրաստված, պաշտոնական զեկույցները հակասության մեջ են հաղորդակցման անկախ ալիքների հետ, որոնք այժմ հասանելի են յուրաքանչյուրին:

Հիմա մենք տեսնում ենք, որ ռազմական և քաղաքական վերնախավը (ես չեմ անվանի այն էլիտա) պատահական չէ, որ կորել է ստի մեջ: Նա (վերնախավը) սկսել է պարզապես անտեսել ցանկացած փաստարկ՝ բացատրելու փոխարեն, թե ինչպես, ով և ինչի համար է հանձնել այս պատերազմը, անցնելով մարդկանց հույզերի  վրա աշխատելուն:

Սա նոր իրականություն է: Մենք հենց Հայաստանի օրինակի վրա պետք է տեսնենք և գիտակցենք, թե ինչի են ընդունակ քարոզչությունը, հակաքարոզչությունը և տեղեկատվական նոր իրողությունը:

Ըստ էության՝ Փաշինյանը, Հարությունյանը և մյուս «հերոսները» պետք է մեկ պարզ բան բացատրեն: Միայն մեկը: Ինչո՞ւ է Շուշիում  ադրբեջանա-թուրքական զորքերի ռոտացիան իրականացվում ռուս խաղաղապահների ուղեկցությամբ: Վերջ, ուրիշ ոչինչ պետք չէ: Բայց հենց այս բացատրությունն է վերջ տալու հակամարտության երկու կողմերի տերաբայթանոց բոլոր ստերին:

Այսինքն՝ ցանկացած այլ փաստ, նույնիսկ՝ ճշմարիտ, չի կորելացվում մեկի հետ՝ ով, ինչպես, ինչու հանձնեց Շուշին», – գրում է ալիքը։