ԵՄ-ն անհրաժեշտ է համարում վերսկսել բանակցությունները Արցախի շուրջ

Եվրամիությունը կարծում է, որ անհրաժեշտ է վերսկսել քաղաքական բանակցությունները Լեռնային Ղարաբաղի կարգավիճակի շուրջ՝ ԵԱՀԿ Մինսկի խմբի շրջանակներում: Այս մասին ասվում է ԵՄ դիվանագիտության ղեկավար Ժոզեպ Բորելի հայտարարության մեջ, որը տարածվել է հինգշաբթի Բրյուսելում:

«ԵՄ-ն կարծում է, որ անհրաժեշտ է ջանքեր գործադրել հակամարտության բանակցային, համապարփակ և կայուն կարգավորման համար, այդ թվում` Լեռնային Ղարաբաղի կարգավիճակի վերաբերյալ»,- ասվում է հայտարարության մեջ:

Եվրամիությունը մտադիր է ուշադիր հետևել Լեռնային Ղարաբաղում հրադադարի մասին համաձայնագրի դրույթների կատարմանը, հատկապես՝ Ռուսաստանի և Թուրքիայի մոնիտորինգի կենտրոնի աշխատանքներին: