ԵՄ-ն պատրաստ է վերսկսել բանակցությունները, երբ Կիևը պատրաստ լինի. Ֆյուլե

ԵՄ ընդլայնման և եվրոպական հարևանության քաղաքականության հանձնակատար Շտեֆան Ֆյուլեն կարծում է, որ ուկրաինացիները քաջ գիտակցում են՝ ինչ նշանակություն ունի ԵՄ-ի հետ Ասոցացման համաձայնագիրն իրենց երկրի համար:

«ԵՄ-ն պատրաստ է վերսկսել Ուկրաինայի հետ Ասոցացման համաձայնագրի ստորագրման նախապատրաստական աշխատանքները, երբ Ուկրաինան պատրաստ լինի: Դա պետք է արվի քաղաքացիների բարօրության համար, որոնք վերջին օրերին ցույց տվեցին և ապացուցեցին, որ քաջ  գիտակցում են՝ ինչ նշանակություն ունի ԵՄ-ի հետ Ասոցացման համաձայնագիրը երկրի համար»,- ասել է Ֆյուլեն Վիլնյուսում այսօր մեկնարկած` քաղաքացիական հասարակության համաժողովի ժամանակ: