Տնտեսագետը սուպերմարկետներին կոչ է անում տեղական արտադրողների ապրանքները լավագույն վայրերում ցուցադրել

Տնտեսագետ Սուրեն Պարսյանը ֆեյսբուքյան էջով սուպերմարկետներին կոչ է արել հայրենական արտադրողներին տրամադրել ապրանքների ցուցադրման լավագույն տեղերը։

«Վերջին տարիների ընթացքում սուպերմարկետների ցանցերը մեծ իշխանություն են ստացել մանրածախ առևտրի նկատմամբ, և շատ հաճախ հենց նրանց որոշումից է կախված լինում հայրենական արտադրողի հետագա գործունեությունը: Հետևաբար, միանում եմ նախաձեռնությանը` կոչ անելով սուպերմարկտներին խրախուսել հայրենական արտադրությունը և հրաժարվել թուրքականից:

Առաջ գնալով` առաջարկում եմ, որ սուպերմարկետները հայրենական արտադրողներին հատկացնեն ապրանքների ցուցադրման լավագույն վայրերի նվազագույնը 30%-ը: Այս ճգնաժամային իրավիճակում մենք պետք է աջակցենք հայրենական արտադրությունը և պահպանենք աշխատատեղերը»,-գրել է նա։