Էրդողանը բոյկոտում է ֆրանսիական ապրանքները, մինչդեռ կինը կրում է Hermes–ի պայուսակ

Թուրքիայի նախագահ Ռեջեփ Թայիփ Էրդողանը հոկտեմբերի 26-ին կոչ էր արել հասարակությանը՝ բոյկոտել ֆրանսիական ապրանքանիշերի արտադրանքը՝ ֆրանս–թուրքական հարաբերությունների լարվածության ֆոնին, երբ Էրդողանը Էմանուել Մակրոնին կոչ էր արել դիմել հոգեբույժի, ինչին ի պատասխան՝ Ֆրանսիան հետ էր կանչել իր դեսպանին։

Հիշեցնենք, որ Ֆրանսիայում Մոհամմադ մարգարեի ծաղրանկարը ցուցադրելու համար (իսլամում արգելված է Մոհամմադին պատկերող ցանկացած նկար) ուսուցչի գլխատումից հետո Մակրոնը հայտարարել էր, որ պայքարելու է ծայրահեղ իսլամիզմի, «Մուսուլման –եղբայրների» դեմ, որոնք ֆինանսավորվում և աջակցություն են ստանում Թուրքիայից։

Սակայն հունական Greek City Times-ը հայտնում է, որ Էրդողանի կնոջը՝ Էմինեին, հավանաբար մոռացել էին զգուշացնել ֆրանսիական ապրանքների բոյկոտի մասին. նրան նկատել են ֆրանսիական Hermes ապրանքանիշի պայուսակով։