Սիրիայում ոչնչացվել է ահաբեկիչների ղեկավարների խումբը

Սիրիայի Իդլիբ նահանգում գտնվող ահաբեկչական շտաբը հարձակման է ենթարկվել արևմտյան կոալիցիայի ռազմաօդային ուժերի կողմից՝ ԱՄՆ-ի գլխավորությամբ: Արդյունքում ՝ «Ջաբհաթ ան Նուսրա» խմբավորման գրոհայինների  վեց հրամանատար է սպանվել. հայտնում է «Ալ Հադաթ» հեռուստաալիքը Twitter-ում:

«Իդլիբից դեպի արևմուտք կոալիցիայի ռմբակոծման արդյունքում կա 14 սպանված, այդ թվում՝ Թահրիր ալ Շամի 6 առաջնորդներ»,- ասված է հաղորդագրության մեջ:

Անօդաչու թռչող սարքի հարվածից ավերված տունը գտնվել է Իդլիբի Ջաքարա գյուղում՝ Թուրքիայի հետ սահմանի մոտակայքում: Այնտեղ հավաքված են եղել նշված խմբի հակահետախուզության գրոհայինները և «Խուրրաս ադ Դին» խմբավորման ջիհադականները:

Զոհերից մեկը դրա դաշտային հրամանատար Ուսամա Մուհաջիրն է: Ոչնչացվել է նաև Հալեպում «Ջաբհաթ ան Նուսրա» կազմակերպության հիմնադիրներից Համուդ աս Սահարան», - գրում է Directorat4 թելեգրամյան ալիքը: