Ռուսաստանի օդատիեզերական ուժերը Սիրիայում ահաբեկիչների նախապատրաստման երեք կետ են ոչնչացրել

Սիրիայում ահաբեկիչների պատրաստման երեք կետ, մեկ պահեստ եւ ԱԹՍ-ների պատրաստման երկու արհեստանոց է ոչնչացվել ՌԴ օդատիեզերական ուժերի հարվածների հետեւանքով: Այդ մասին ճեպազրույցի ժամանակ հայտնել է Արաբական Հանրապետությունում հակամարտող կողմերի հաշտեցման ռուսական կենտրոնի ղեկավարի տեղակալ, առաջին աստիճանի կապիտան Օլեգ Իգնասյուկը:

«Ռուսաստանի օդատիեզերական ուժերը ճշգրիտ հարվածներ են հասցվել Իդլիբի դեէսկալացիայի գոտում անօրինական զինված խմբավորումների օբյեկտներին։ Հարվածների արդյունքում ոչնչացվել է ահաբեկիչների նախապատրաստման երեք կետ, մեկ պահեստ և անօդաչու թռչող սարքերի պատրաստման երկու արհեստանոց», - ասել է նա ճեպազրույցի ժամանակ։