Կիպրոսը պատասխանել է ՌԴ ռազմանավերի՝ կղզու նավահանգիստներ մուտքի վերաբերյալ Պոմպեոյի հարցին

Կիպրոսը ռուսական ռազմանավերին իրավունք է տալիս իր նավահանգիստներ մուտք գործելու հումանիտար աջակցության խնդրանքների հիման վրա. տեղեկացնում է ՏԱՍՍ-ը՝ երկրի ԱԳՆ ղեկավար Նիկոս Քրիստոդուլիդիսին հղումով:

Ավելի վաղ ԱՄՆ պետքարտուղար Մայք Պոմպեոն մտահոգություն էր հայտնել կղզու նավահանգիստներ ռուսական ռազմանավերի կանոնավոր մուտքերի վերաբերյալ: Մեկնաբանելով Պոմպեոյի խոսքերը՝ Քրիստոդուլիդիսն ասել է, որ Կիպրոսը մարդասիրական օբյեկտներ է տրամադրում այն պետություններին և միջազգային կազմակերպություններին, որոնք դիմում են նման խնդրանքով:

ԱՄՆ-ը ցանկանում է, որ Կիպրոսն արգելի ռուսական ռազմանավերի մուտքը կղզու նավահանգիստներ. դա Կիպրոսին ամերիկյան զենքի մատակարարման արգելքի ամբողջական վերացման պայմաններից մեկն է: