Աթենքն իր գործողությունների պատճառով քաոսի մեջ է ընկել. Էրդողան

Թուրքիան հետ չի կանգնի արևելյան Միջերկրական ծովում հորատող նավի՝ Oruç Reis-ի և երկրի նավատորմի այլ նավերի գործունեությունից: Ըստ Anadolu-ի՝ Թուրքիայի նախագահ Ռեջեփ Թայիփ Էրդողանը այս մասին ասել է Անկարայում կառավարության նիստից հետո:

Էրդողանը մեկնաբանել է հունական զորավարժությունները արևելյան Միջերկրական ծովում՝ նշելով, որ այդ զորավարժությունները վտանգում են տարածաշրջանի բոլոր ծովային նավերի անվտանգությունը:

Թուրք նախագահի խոսքով՝ տարածաշրջանում հնարավոր բացասական սցենարների միակ պատճառը կլինի Հունաստանը, որը նույնպես կդառնա դրանից տուժած միակը:

Էրդողանը շեշտեց, որ Աթենքը քաոսի մեջ է ընկել իր գործողությունների պատճառով, որը հակասում է միջազգային իրավունքի նորմերին և բարիդրացիության սկզբունքներին:

Հիշեցնենք, որ Թուրքիան շարունակում է իր ապօրինի գործողությունները Միջերկրականի հունապատկան ջրերում, որը խիստ լարել է ՆԱՏՕ երկու անդամների միջև հարաբերությունները։