Այսօր Վահագն Դավթյանի ծննդյան օրն է. նա կդառնար 98 տարեկան

Լրագրող, պատմաբան, հրապարակախոս, սցենարիստ Սպարտակ Ղարաբաղցյանը գրում է.

«Այսօր Վահագն Դավթյանի ծննդյան օրն է: 1978 թվականի հենց այս օրն էր, Ֆելիքս Բախչինյանի հետ վերադառնում էինք Էջմիածնից: Հասանք Երևան: Ֆելիքսը հուշեց:

-Էսօր Վահագն Դավթյանի ծննդյան օրն է, չգնա՞նք շնորհավորենք: Տեսնելով, որ կամ ու կացի մեջ եմ, շարունակեց, -Վահագնը քեզ շատ է սիրում, գնանք...

Վահագնի տան դռաները միշտ էլ բաց են եղել հյուրերի առաջ, բայց նրա անունն արդեն բավական էր նրա սիրուն ու հարգանքին արժանանալը: Երևանում գեղարվեստական իրերի յուրահատուկ սալոն կար, մտանք Մեծ պոետին արժանի մի բան ընտրելու գրպաններիս համեմատ: Ֆելիքսը ծխամորճը ընտրեց, հետո քայլելով հասանք ծաղկավաճառներին:

-Քանի տարեկան է դառնում , -հարցրեց Ֆելիքսը:

-Ինչքան գիտեմ 1922-ի ծնունդ է:

Հաշվեց ու ծաղկավաճառին դիմելով ասաց:

- Հիսուն յոթ հատ մեխակ...

Ծաղկավաճառը ուրախությունից շփոթվեց:

-Էս երևի լավ, կարևոր տեղ եք տանում:

-Շատ լավ ու կարևոր տեղ,- ասացի ես:

.... Մինչև ուշ գիշեր մնացինք պոետի տանը, վաելելով առատ ու անկեղծ հյուրասիրությունն ու իմաստուն զրույցները, հիշողությունները...

Այսօր Վահագն Դավթյանը դարձավ 98 տարեկան...»: