Էրդողանը վրեժ է լուծում Սևրի դաշնագրից. Le Monde

Ֆրանսիական Le Monde պարբերականը գրում է, որ Թուրքիայի նախագահ Ռեջեփ Թայիփ Էրդողանը վրեժ է լուծում Սևրի դաշնագրից։

«Մեկ դար անց Էրդողանը Սևրի դաշնագրից վրեժ է լուծում» վերնագրով հոդվածում նշվում է, որ Էրդողանը և Լիբիայի Ազգային համաձայնության կառավարության ղեկավար Ֆայեզ Սարաջի միջև Հյուսիսային Աֆրիկայում և Միջերկրականում ռամավարական խաղը փոխելու համար կնքված համաձայնագիրը փայլուն է և տեղ է և պետք է ծանրակշիռ տեղ գրավի պատմության մեջ։

Նշվում է, որ դրա համար հատուկ էր ընտրված Դոլմաբահչե պալատում (Բալյան ընտանիքի կողմից ստեղծված սուլթանական նստավայր) 2019 թ. նոյեմբերին համաձայնագրի կնքումը, որտեղ տեղի է ունեցել Էրդողանի և Սարաջի 4 հանդիպում։

Հոդվածում նշվում է, որ Լիբիային ռազմական և լոգիստիկ աջակցության փոխարեն լիբիական ջրերում էներգետիկ որոնողական աշխատանքներ իրականացնելու թույլտվություն նախատեսող  համաձայնագրի վերաբերյալ 2019 թ. դեկտեմբերի 16-ին Դոլմաբահչեում երկու կողմերի հանդիպումից հետո Էրդողանը հայտարարել է, որ «Այս ռազմական և էներգետիկ համաձայնագրով չեզոքացրել ենք Սևրի  դաշնագիրը» և դրանով վրեժ լուծել Սևրից։