ԿԳՄՍ նախարարը Տնտեսագիտական համալսարանի ղեկավարումը կարող է հանձնել Ֆիզկուլտ ինստիտուտի՝ լուծարքներով սովորող 2-րդ կուրսի ուսանողի՝ հավիտյան

«Հանուն որակյալ կրթության» նախաձեռնությունը հայտնում է, որ ԿԳՄՍ նախարար Արայիկ Հարությունյանը կարող է Տնտեսագիտական համալսարանի ղեկավարումը հանձնել Ֆիզկուլտ ինստիտուտի՝ լուծարքներով սովորող 2-րդ կուրսի ուսանողի։

«ԿԳՄՍ նախարարը Տնտեսագիտական համալսարանի ղեկավարումը կարող է հանձնել Ֆիզկուլտ ինստիտուտի՝ լուծարքներով սովորող 2-րդ կուրսի ուսանողի, ընդ որում՝ ՀԱՎԻՏՅԱՆ, եթե ղեկավարվի նույն իրավական նորմով, որի հիմքով նշանակել է համալսարանի գործող ղեկավարին:
Այ հենց այդքա՛ն պարզունակ ապօրինություն է տեղի ունեցել, իսկ դուք դպրոցների մասին նորմից էիք զարմանում:
Եթե գտնվի գեթ 1 իրավաբան, հատկապես՝ նախարարությունում, որ կհիմնավորի տվյալ պնդման սխալ լինելը, ապա խոստանում ենք հանցագործության մասին այլևս չխոսել»։