Կորյուն Աթոյանն ազատվել է տնտեսագիտական համալսարանի ռեկտորի պաշտոնից

Հայաստանի պետական տնտեսագիտական համալսարանի ռեկտոր Կորյուն Աթոյանն այսօր ազատվել է պաշտոնից։ Այս մասին Yerkir.am-ի հետ զրույցում հայտնեց ՀՀ կրթության և գիտության նախարարության հասարակայնության հետ կապերի և տեղեկատվության բաժնի պետ Արթուր Բաղդասարյանը։

Հիշեցնենք, որ Աթոյանը  բուհի ռեկտորի պաշտոնը զբաղեցնում է 2011-ից:

Աթոյանը 2003 թվականից ՀՀ բարձրագույն որակավորման հանձնաժողովի,  տնտեսագիտության ոլորտում գիտական աստիճաններ շնորհող 014 մասնագիտական խորհրդի անդամ է: 

Ի դեպ, նա Երևանի նախկին քաղաքապետ Տարոն Մարգարյանի թեզի պաշտպանության ժամանակ լրագրողների աշխատանքին խոչընդոտող ուսանողներին էր պաշտպանում` այդպես էլ չթույլատրելով լրագրողների մուտքը սենյակ: