Հովիկ Աբրահամյանը հրաժարվեց տնտեսագիտական համալսարանի խորհրդի նախագահի պաշտոնից

Այսօր կառավարության նիստում հաստատվեցին «Խ. Աբովյանի անվան հայկական պետական մանկավարժական համալսարան» հիմնադրամի ռեկտորի պաշտոնում ընտրված Ռուբեն Կառլենի Միրզախանյանի և ՀՀ «Պետական տնտեսագիտական համալսարան» պետական ոչ առևտրային կազմակերպության ռեկտորի պաշտոնում Կորյուն Լուկաշի Աթոյանի ընտրության արդյունքները: Նրանց հետ կկքնվի աշխատանքային պայմանագիր` 5 տարի ժամկետով:

Վարչապետ Հովիկ Աբրահամյանը շնորհավորեց Ռուբեն Միրզախանյանին ու Կորյուն Աթոյանին ռեկտորի պաշտոնում ընտրվելու կապակցությամբ, ցանկանալով բեղմնավոր աշխատանք:

Միաժամանակ Հովիկ Աբրահամյանը նշեց, որ շատ զբաղված լինելու պատճառով հրաժարվում է Երևանի պետական տնտեսագիտական համալսարանի խորհրդի նախագահի պաշտոնից և առաջարկում է կազմակերպել տնտեսագիտական համալսարանի խորհրդի նոր նախագահի ընտրության հարցը: