Արգենտինայի նախագահը հայ մասնագետին վստահել է Խտրականության եւ ցեղապաշտության դեմ ազգային ինստիտուտի ղեկավարումը

Հունիսի 10-ին Արգենտինայի նախագահ Քրիստինա Ֆերնանդես-Քիրչները 180 օրով Խտրականության, օտարատյացության եւ ցեղապաշտության դեմ ազգային ինստիտուտի ղեկավար է նշանակել Պետրո Մուրադյանին` այդ կառույցի նախագահի եւ փոխնախագահի հրաժարականներից հետո:

Պետրո Մուրադյանը, որը վերջերս էր նշանակվել խտրականության դեմ քաղաքականության հետազոտական եւ դաստիարակման համադրող, ժամանակին եղել է այդ ինստիտուտի փոխնախագահը: Նա միջազգային ասպարեզում մեծ հեղինակություն է վայելում որպես բնագավառի արգենտինցի մասնագետ եւ անցյալ դեկտեմբերին ՄԱԿ-ի Մարդու իրավունքների հանձնախմբի կողմից հրավիրվել է` այլ 12 մասնագետների հետ մշակելու անդամ պետությունների հակախտրական քաղաքականության ուղեգիծը. տեղեկացնում է ՀՅԴ Հարավային Ամերիկայի Հայ Դատի հանձնախումբը: