ՏԵՍԱՆՅՈՒԹ․ Խեցգետնի պաշարների կտրուկ նվազումը Սևանի օրգանական ախտոտվածության հետևանք է․ Էվելինա Ղուկասյան

Սևանի «ծաղկման» փաստը խոսում է ջրի որակի վատացման մասին, ինչը գնալով խորանում է՝ ըստ Yerkir.am-ի հայտարարեց ՀՀ ԳԱԱ հիդրոէկոլոգիայի և ձկնաբանության ինստիտուտի տնօրեն Էվելինա Ղուկասյանը։

Նրա դիտարկմամբ՝ պրոցեսները աստիճանաբար խորանում են դեպի էֆտրոֆացում։

Էվելինա Ղուկասյանը նշեց, որ լճի հատակում ջրիմուռները ավելացնում են կենսածին երևույթների բեռը և խլում են թթվածինը։

Սա նպաստում է խեցգետնի հիվանդությունների տարածմանը։

«Դուք ևս ականատես եք, որ վերջին տարիներին խեցգետնի պաշարները կտրուկ նվազել են, դա օրգանական ախտոտման հետևանք է»,-ասաց նա։

Էվելինա Ղուկասյանը նկատեց, որ այս տարվա մի փոքր ավելի սառը եղանակը նպաստեց, որ ծաղկումը ավելի մեղմ լինի, թեև, ըստ դասակարգման, շարունակում է ինտենսիվ ծաղկել։

Լճի փրկության պետական առաջին միջոցառումը՝ մաքրման կայանների տեղադրումը և բնակավայրերից հոսքաջրերի դադարեցումը, նրա համոզմամբ, լուրջ քայլ կլինի դեպի լուծումը։

Մանրամասն՝ տեսանյութում․