Թուրք գեներալը ցանկանում է փոխել Էգեյան ծովի անունը՝ հունական լինելու պատճառով

Թուրք պաշտոնաթող գեներալ Ջիհաթ Յայջըն, ով Թուրքիայի կառավարության և Լիբիայի «Մուսուլման եղբայրների» միջև կնքված հուշագրի «ճարտարապետն» է, որով Հունաստանից խլվում էր հունապատկան ջրային տարածքները, կոչ է արել փոխել Էգեյան ծովի անունը՝ առաջարկելով դրա փոխարեն այն անվանել «Կղզիների ծով» կամ »Հյուսիսային միջերկրական», քանի որ իրեն դուր չի գալիս դրա հունական լինելը. հայտնում է Greek City Times-ը։

«Թուրքիան չպետք է օգտագործի այդ անունը, քանի որ այն ունի հունական արմատներ», - հայտարարել է վերջերս Թուրքիային ՊՆ ղեկավար Հուլուսի Աքարի հետ տարաձայնությունների պատճառով պաշտոնից հեռացված զինվորականը։

Յայջըն նշել է, որ Օսմանյան շրջանում օգտագործվել է «Կղզիների ծով» անունը, և թուրքական անվանափոխությունը այստեղ շատ կարևոր է։