Չինաստանը կպատասխանի ԱՄՆ-ում երկրի գլխավոր հյուպատոսության փակմանը

Չինաստանի իշխանություններն աննախադեպ են անվանել Հյուսթոնում Չինաստանի գլխավոր հյուպատոսության փակումը և խոստացել ԱՄՆ-ին պատասխանել համապատասխանաբար. հայտնում է The Hill-ը։

Հիշեցնենք՝ դեռևս հուլիսի 21-ին ԱՄՆ-ը պահանջել է Հյուսթոնում տեղակայված չինական գլխավոր հյուպատոսությունը փակել 3 օրվա ընթացքում։ ԱՄՆ պետքարտուղար Մայք Պոմպեոն դա բացատրել է նրանով, որ Չինաստանն իրականացնում է ամերիկյան մտավոր սեփականության խոշոր չափերով գողություն, որը հսկայական վնաս է հասցնում ամերիկյան տնտեսությանը։

Ի պատասխան՝ Չինաստանի ԱԳՆ պաշտոնական ներկայացուցիչ Վեն Վենբինը տեղի ունեցածն անվանել է «աննախադեպ էսկալացիա» և խոստացել, որ պաշտոնական Պեկինը դա անպատասխան չի թողնի։