Ֆինլանդիան պատրաստվում է Ռուսաստանի օդային տարածքի փակմանը

Ֆինլանդիայի տրանսպորտի նախարարությունում պատրաստում են պատասխան գործողությունների ծրագիր, որը կիրականացվի,  եթե հանկարծ Ռուսաստանը սահմանափակի արևմտյան ավիափոխադրողների թռիչքներն իր օդային տարածքում. հայտնում է РИА Новости-ն:

Ավելի վաղ հաղորդվել էր, որ ՌԴ պաշտոնյաները քննարկում են երկրի տարածքով Եվրոպայից դեպի Ասիա ավիաթռիչքների սահմանափակումների կամ բացարձակ արգելման հնարավորությունը:

Ֆինլանդիայի տրանսպորտի նախարարը նշել է, որ Ռուսաստանի այդ քայլը կարող է ոչ միայն ազդել ֆիննական Finnair խոշոր ավիաընկերության գործունեության, այլև Finnavia ընկերության պատասխանատվության տակ գտնվող ավիանավիգացիոն համակարգի և ֆիննական օդանավակայանների վրա: